انگوران آتالار سوزلری:
۱-آللاهین آغاجینین سسی اولماز
۲-اوْزگؤزونده تیری گؤرمور اوْزگه گؤزونده چؤپو گؤرور
۳-مالیین برک ساخلا قونشونو اوغورو توتما
۴-قونشویا اومود اولان شامسیز قالار اویناشا اومود اولان ارسیز قالار
۵-سفاریشینان حج قبول اولماز
۶-اؤز اؤونده اوماج اؤوا بیلمیر ئوزگه اؤونده اریشته کسیر
۷-گولا گولا دره سیدی به یه؟
۸-دییَن حسن سوخدو دِرمانیدی!
۹-سوغان ییمه میشن ایچین نییه گؤینور؟!
۱۰-جانیمی آل آمما گوله گوله!
۱۱-آغلامییانا په په یوخدو
۱۲-دامچیللاما!
۱۳-آیدان ایلدن بیر ناماز اونودا شیطان قویماز
۱۴-بویوک سؤزونه باخمییان قالار بؤوره بؤوره!
۱۵-کت دان کؤینگه نه وار؟!
۱۶-سیید آلی شیئی کیمی گویده اسیر
۱۷-آغزیننان سوت قوخوسو گلیر!
۱۸-آغزینی پو...نان آچیپلار
۱۹-آغزینین پو...ونو داغیدیر
۲۰-اریننیگینن ارمنییه دایی دییر!
۲۱-دیلی دییر گو....و ییر!
۲۲-اوننان دییللر علیرضا ویریر قودوخ اؤلور!
۲۳-ایتین ابلهی کوچوگوینن اوینار!
۲۴-دوز یولو گئده بیلمیر یوققوشدا شیللاق آتیر
۲۵-همدان اوزاخ کرتیسی یاووخ
۲۶-چوخلو پو...لو
۲۷-دیین میندار اتتددن یاپیشیپ!
۲۸-تولکو تولکویه بویورور تولکوده قویروغونا!
۲۹-تولکویه دیدیلر شاهدین کیم دی دیدی قویروقوم!
۳۰-قری سی.....لنن سورا تومانین برک باغلار!
۳۱-گئجنی ساووخدان صوبحه کیمی پیچاخ چکمیشم!
۳۲-کورکن کول اکن!
۳۳-قارداش قره داش!
۳۴-جین آزیدی کوللوکده بیریده چیخدی جیننیکدن!
۳۵-دیل آننامیر تاری تانیمیر!
۳۶-گؤول سوون گؤچک اولار
ا۳۷-ؤزو سؤون قوجاخدا اؤزگه سؤون بوجاخدا
۳۸-آت آلمامیش آوخورون چکیر!
۳۹-کچل خالا بیزه بیرکاسا آودوخ وئر اُ دیل کی سنده وار ایچینه بیر لومما کره ساللام!
۴۰-نخیره گئتمه عیب دؤو چؤرگینی ییغما عیب دی!
۴۱-یانسین چیراغی گلسین سوراغی
۴۲-گلین اوینویا بیلمیر دییر یئر ایریدی!
۴۳-آتی آتین یانینا باغلاسان یا هایین گوتورر یا خویون!
۴۴-مشد هاشیم دیملی اکدیمده بیچدیمده
۴۵-مشد هاشیم دیملی ایش ایشی گؤرر
۴۶-الگی النیپ غربیری گؤیده تاولانیر!
۴۷-کدخدانی گؤر کندی تالا
۴۸-آری یوواسینا چؤپ اوزادیر!
۴۹-میلچک میندار اولماز ئورک بولاندیرار!
۵۰-سو لبغلامماسا دورالماز!
۵۱-اؤزو پیچدی اؤزوده تیکدی!
۵۲-آدام گرک بیر اؤزونو آجییاندا ساخلییا بیرده گیجیینده!
۵۳-تئز تئز باخیر گؤزگویه آدینی قویور اؤزگیه!
۵۴-باهارین هاواسی ار آروادین داواسی!
۵۵-قیش گئدر اؤزو قره لیک کؤموره قالار!
۵۶-قاشینا قاشینا چیخدی اوجاق باشینا!
۵۷-گلین گلین اولونجاخ ائل گرک گلین اولا!
۵۸-گلین اوجاقا گلر!
۵۹-گلین اؤزونو بوغان یئردی!
۶۰-دارتیلمامیش دنی وار!
۶۱-غاضی لیخدان جیریلیر!
۶۲-هامی قویونار بالاسین چوخ ایستییر قره قویون اؤزون چوخ جیرار!
۶۳-کیرپی یه دیدیلر بالان تیکان تیکاندی دیدی مخمل بالامدی
۶۴-آز یییرآریخلیر چوخ یییر تیریخلیر
۶۵-سامان آلتینان سو یئریدندی!
۶۶-یاتیر یاتیر شش آتیر
۶۷-بش بارماقین بشی بیر اولماز
۶۸-آلاداغدا سیچ...ر قره داغدا گو...ون یوور!
۶۹-بیر چولوم بیر چیللیغیم هانسی دره ده سیندیریم
۷۰-چیل دیمه چیللیغیم ئییلدی!
۷۱-سی...میر آجیخیر!
۷۲-قویروقوینان گیرده کان سیندیریر!
۷۳-بی کیردارین دیلی اوزون اولار
۷۴-جوجه نین شانسی اولسیدی ننه سینین امجگی اولاردی!
۷۵-آراغاش جوجه یومورتادا بیلینر
۷۶-قورد گئچینین بیرزادین ییمیییپ!
۷۷-سویدو سویدو قویروغوندا مینداررادی!
۷۸-دیشین آغیریر چک قوتار قونشون پیسدی کوچ قوتار
۷۹-فلانینین کولو باشینا آغیردی!
۸۰-بولاغین اوزونون سوو اولماسا سو توکمگینن بولاغ اولماز
۸۱-دیین آیییا گیرده کان ساییرام
۸۲-منیم اوچون قورد قورانی اوخور
۸۳-بورنو یئر سوپورور!
۸۴-فلانینین گؤزو قره دی!
۸۵-هله خمیر چوخ سو آپارار
۸۶-دوونی یاتاندا گرک مینن
۸۷-نئچه کی تندیر داغدی چورگی یاپیشدیر
۸۸-داغ داغا یئتیشمز آدام آداما یئتیشر
۸۹-شوقورو اوغلان نئینیر دده مالین شوقورسوز اوغلان نئینیر دده مالین!
۹۰-بنده دن قورخمویان آللاهدان قورخماز
۹۱-حارام مال شیرین اولار!
۹۲-چؤرک داش آراسیننان چیخیر!
۹۳-دیشیم دیلیمی کسیردی!
۹۴-دیشینین دیبینه هرنمه گلدی دیدی
۹۵-چؤخ ییمک آدامی آز ییمکدن قویار
۹۶-بیلنه بیر تیکه
۹۷-الیمین دوزو یوخ دو
۹۸-آج قولاغیم دینج قولاقیم
۹۹-قارنی زیغلیدی
۱۰۰-قارنینین زیغی چیخیپ اوزونه
۱۰۱-گؤزونن جین چیخیر
۱۰۲-یئتنه یئتیر یئتمیینه بیر داش آتیر
۱۰۳-بیر داش آلتدان قی بیر داش اوسدن
۱۰۴-شاددیغینا شیننیک ئلیر
۱۰۵-طویا گیرنین هم باشی اوینار هم گو...و!
۱۰۶-فلانی چوخ قره قولاخدی
۱۰۷-قودوخ باش قولاخ
۱۰۸-فلانی چوخ دیل آجیدی
۱۰۹-ارییب اولمور
۱۱۰-اؤل اتین اندامین توکولسون
۱۱۱-آغزیین چالخالا دانیش
۱۱۲-پیسسیکلینین اؤزونه باخ گل اهل سازینی خبر آل
۱۱۳-قازان قازانا دییر گوتون قره دیر
۱۱۴-دویمه آغاش قاپینی دووللر دمیر قاپینی
۱۱۵-قیراغینا باخ بئزین آل ننه سینه باخ قیزین آل
۱۱۶-قیزینی دؤموین دیزینی دؤوِر
۱۱۷-دلی دلینی گؤرنده چومماقین گیزلدر
۱۱۸-قره بخت داغاچیخدی داغلاری دومان آلدی
۱۱۹-گؤز گؤرتی گؤزومه گیریر
۱۲۰-ننم بئله فنی دیر کوننلری کیچیک توتور دده م بئله فننی دیر یئددی سین بیر دن اوتور
۱۲۱-اولاد لولادین اتین ییسه سوموگون آتماز
۱۲۲-اتی سنین سوموگو منیم
۱۲۳-یولداشیین باب ئله گؤرن دیسین هابئله
۱۲۴-آل الی یووار الده دونر اؤزو یووار
۱۲۵-تک الدن سس چیخماز
۱۲۶-دده سن گؤروپ شیتیکلنیر
۱۲۷-دیلبیر دیلبیر اوتور
۱۲۸-شاه باغیشلیر شاهقولو باغیشلامیر
۱۲۹-اللی اللی اوستونه بودا اللی اوستونه
۱۳۰-فلانینین قارنینا اؤن ده نه تپیک ووروپ
۱۳۱-یکه آدامین عقیلی تُپوغوندا اولار
۱۳۲-بیر دلی قویویا داش آتار مین عقیلی چیخاردا بیلمز
۱۳۳-داغدان گلن گلیر باغداکینی چاخاردیر
۱۳۴-اؤلو بیر گون اولار شوونی ده بیر گون
۱۳۵-قورد دیدیم قولاخلارین شکلدی!
۱۳۶-اون ایکی ایماما یالوارینجاخ بیر آللاها یالوار
۱۳۷-دیلین آغریینجاخ قیچین آغریسین
۱۳۸-ایندی گورک دنچی سیچار یا اونچو
۱۳۹-دیل باشا بالادی
۱۴۰-دادانان قودوراننان پیس اولار
۱۴۱-دادانادی دویانا دوو
۱۴۲-طویدان سورا طویانا وئرن چوخ اولار
۱۴۳-آغزیم سولاندی
۱۴۴-حربه گوجون یارسیدی
۱۴۵-روحه وئره وئره چیخدی میسین قیمتی
۱۴۶-دالدان آتان داش توپوغا دئیر
۱۴۷-اشکی ئوز ئشکلیگینن قورد ییر
۱۴۸-امانت اشگین قوش قونو تئز قیریلار
۱۴۹-عزیزیم عزیز تربیتیم اونان عزیز
۱۵۰-من دییرم دامنان داما او دییر گل آقیمی یاما
۱۵۱-پیشیگین آغزی اته چاتماز دییر قیخادی
۱۵۲-پیشیک اویدن چیخاندا سیچاننار اینجیلی مرجان اوینار
۱۵۳-گئچینین قطورو چشمنین باشیننان سو ایچر
۱۵۴-آدامین گرک دیلینه گوره دیلچیگی اولا
۱۵۵-اوجوز اتین شورباسی اولماز
۱۵۶-ده ده مین اولمسینن قورخمورام گورخورام عزراییل قاپیمیزی تانییا
۱۵۷-شیطانا درس وئریر
۱۵۸-قاتیخ قره دیکی قره دی
۱۵۹-گورو یوخ کفنی اولا
۱۶۰-سن گورن آغاشلار کورکلیک کسیلدی
۱۶۱-اممامه نه بیلیر قییش نمه چکیر
۱۶۲-قارینا گئدن قازاشدی
۱۶۳-کار کورون خططینی اوخومور
۱۶۴-دارتیلمامیش دنی وار
۱۶۵-ایت یهه سینی قاپباز
۱۶۶-آدین قویدون رشید بیرین دیدین کیسین ئشید
۱۶۷-اوزو قره لیک یوخسوللوخداندی
۱۶۸-وار ئوو کرم ئوو یوخ ئوو ورم ئوو
۱۶۹-اششگیم اولمه یاز گلیر
۱۷۰-دوز آغاح ئییلمز
۱۷۱-سوآخدیخجا یولون تاپار
۱۷۲-کورکن داغ اوزاغ اولماز
۱۷۳-گئچی نیغغیللاماسا تکنین نه ایشی وار
۱۷۴-گوونو قالیندی
۱۷۵-دوز ییپ دوزدانی سیدراندی
۱۷۶-اوزو بزکلی ایچی تزه کلی
۱۷۷-لیغلامماسا دورالماز
۱۷۸-بنده دن قورخمویان آللاهداندا قورخماز
۱۷۹-قورخ اوکسدن کی قورخماز آللاهدان
۱۸۰-دینسیزین الیندن ایمانسیز گلر
۱۸۱-ده ده گزن آغاشلاری بالا بوداغ بوداغ گزر
۱۸۲-دیین طویو کوللوکده چالینیردی
۱۸۳-اوتدان کول اولار کولدن اوت
۱۸۴-بوآغاشدا او آغاجا فرج دی
۱۸۵-صبریدن حلوا پیشر ای قورا سندن بسله سن اطلس اولار توت یارپاقیندان
۱۸۶-کول آلتیندا کوزدو
۱۸۷-قالمیشام اوتوینان سوون آراسیندا
۱۸۸-نه آتماغ اولور نده توتماغ
۱۸۹-اوتدان سودان قار آمانیدی
۱۹۰-آللاه آدامین داغینا باخار قار سالار
منبع :