بایاتی یکی از اشکال شعر های آذربایجان می باشد که بیشتر به طور فولکور و سینه به سینه نقل شده اند.
دو مصرع اول معمولا جهت بیان منظور خاصی گفته نمی شود و منظور اصلی در دو مصرع دوم گفته میشود.
آپاردی تاتار منی
قول ائدَر ساتار منی
یاریم وفالی اولسا
آختاریپ تاپار منی
عزیزیم وطن یاخشی
گئیمگه کتان یاخشی
غریب یئر جنت اولسا
یئنه ده وطن یاخشی
داغ باشیندا قوزو وار
آهو کیمی گؤزو وار
بیر قلب بیر قلبی توتسا
کیمین اونا سوزو وار
عزیزیم مین آیا ده یر
قاشلارون مین آیا ده یر
ایل وار بیر گونه ده یمز
گون وار مین آیا ده یر
عزیزیم بیلاریمیش
چوخ شیرین سولاریمیش
عزرائیلین آدی بدنامدی
جان آلان بیلاریمیش
عزیزیم وای دردیم
وای درمانیم وای دردیم
خالق گول اکدی گول دردی
من گول اکدیم وای دردیم
*
چایدا چیبیق چملی دیر
قاش گوزون قلملی دیر
بوینون قویما چئینی ین
گوره ن دیه ر غملی دیر
تؤرکؤ بایاتیلار – دوبیتی های ترکی آذربایجان
باهاسیز داشدی دونیا
چؤروک آغاشدی دونیا
هارا باخیم خوش اولوم
بوتون قان یاشدی دونیا
پنجره میز یان – یانا
یاردا چیخیب ایوانا
من باخیرام او باخیر
قالمیشیق یانا – یانا
داغلارین باشی قارا
دیبی نین داشی قارا
بوردا بیر قیزسئومیشه م
آلا گؤز ، قاشی قارا
عزیزینه م یار – یارا
کباب باغریم یار – یارا
دیز تیتریه ر قان قاچار
یئتیشنده یار – یارا
آغ آلما قیزیل آلما
بشقابا دوزول آلما
بولسه یدیم یار گؤندریب
ساخلاردیم یوز ایل آلما
من عاشیق قار قامیشا
یاغیبدیر قار ، قامیشا
یوز دیل آغیز نئیله سین
بیر الله قارقامیشا
گل گئدک داش بولاغا
سویو سرخوش بولاغا
بیرین سن دئه بیرین من
تؤکک قان یاش بولاغا
دسمالا آلما قالا
باشینی سالما قالا
نامرد ایله دوست اولما
دوشرسن قالما قالا
اوجادیر بیزیم قالا
درد گئتمز یوز ایل قالا
بد اصیل ، اصیل اولماز
بویونجا قیزیل قالا
اوجاغی یاخشی قالا
اودون قوی یاخشی قالا
نه اولار بو دونیادا
پیس اؤله ، یاخشی قالا
